“Chelsi” eng iqtidorli futbolchisini qo‘ldan chiqarmoqda

“Chelsi” akademiyasida tarbiyalayotganlar orasida eng iste’dodlisi sifatida tan olingan Tino Livramento tez orada “Sautgempton”ga o‘tib ketishi kutilmoqda.

Bosh murabbiy Tomas Tuxel boshchiligida o‘tkazilgan muzokaralar boshi berk ko‘chaga kirib qoldi. London klubi iqtidorli o‘yinchini yangi shartnomaga ko‘ndira olmadi.

Tino Livramentoning klub bilan amaldagi shartnomasi kelasi yili yakunlanadi. 18 yoshli futbolchilarga sardorlik qilib kelayotgan futbolchi hozircha o‘zidan kichik yoshdagi tarbiyalanuvchilar bilan birga mashg‘ulot o‘tkazmoqda.

Klub bergan shartnomani hali imzolamagan futbolchi hozirning o‘zida “Brayton”, “Aston Villa”, “Milan” va “Leyptsig” kabi jamoalardan aniq taklif oldi.