"Челси" франциялик иқтидор билан январда шартнома имзоламоқчи

"Челси" Маркус Тюрам учун курашга қўшилди. 

Лондон клуби 25 ёшли Франция терма жамоаси форвардини қишда ўз сафига қўшиб олмоқчи, дея хабар бермоқда "Foot Mercato" нашри. 

Тюрамнинг "Боруссия" Мёнхенгладбах билан шартномаси мавсум сўнггида якунига етади. Аввалроқ, унга МЮ, "Интер" ҳамда "Бавария" каби клублардан қизиқиш бўлган. 

Жорий мавсумда Маркус Бундеслига доирасида 15 та учрашувда майдонга тушиб, 10 та гол ҳамда 3 та голли узатма амалга оширган. 

У жаҳон чемпионатида жами 5 та ўйин ўтказиб, 2 та голли узатма муаллифига айланган.