Мавсумни "Бёрнли" сафида ижарада ўтказаётган "Челси" футболчиси Дэнни Дринкуотерга Манчестер шаҳридаги тунги клубларнинг бири ёнида ҳужум қилишди. Бу ҳақда The Sun нашри хабар тарқатмоқда.

Юқоридаги манбаага кўра оқшомни Chinawhite клубида ўтказган 29 ёшли футболчи алькогол таъсирида маст бўлиб қолгани ва тунгги клубда ҳордиқ чиқараётган бошқа бир футболчининг қизига нисбатан ножоиз ҳаракатлар қилгани учун уни бинодан чиқариб юборишган. Шундан сўнг ташқарида уни 6 киши калтаклаган. Натижада Дринкуотерда майда шишлар ва кўкаришлар, шунингдек қўл ва оёқларида шикастланишлар пайдо бўлган.

Шифокорларнинг сўзларига кўра Дэнни Дринкуотер тахминан 3 ҳафта даволаниши керак.