"Челси"га керак бўлмай қолган ҳужумчи рекорд суммага трансфер қилиняпти

«Астон Вилла» клуби «Челси» ҳужумчиси Николас Жексон трансфери бўйича келишувга эришди, дея хабар бермоқда The Athletic нашри.

Бирмингем клуби 25 ёшли форвард учун 47,5 миллион фунт тўлайди. Лондон жамоаси шартномада кўзда тутилган бонуслар орқали яна 17,5 миллион фунтгача қўшимча даромад олиши мумкин. 

Шу тариқа, ушбу трансфер «Астон Вилла» тарихидаги энг қиммат сотиб олиш сифатида қайд этилади.

Сенегаллик футболчи ўтган мавсумни «Бавария» таркибида ижара асосида ўтказган эди. У Бундеслигада 23 ўйинда майдонга тушиб, 8 та гол урди. Унинг ўтган мавсумдаги кўрсаткичлари билан батафсил танишиш мумкин.