"Chelsi" Germaniya terma jamoasi forvardiga qiziqib qoldi

Germaniyaning "Frayburg" klubi hujumchisi Luk Valdshmidt faoliyatini Angliya premer-ligasida davom ettirishi mumkin.

The Sun nashri tarqatgan xabarga ko‘ra, “Chelsi” 23 yoshli Germaniya terma jamoasi forvardini yaqinlashib kelayotgan yozgi transferlar davrida sotib olmoqchi.

Valdshmidt asli “Ayntraxt” klubi tarbiyalanuvchisi hisoblanadi. U “Frayburg” safida 2018 yildan buyon to‘p surib kelmoqda. U joriy mavsum 16 ta o‘yinda maydonga tushdi va 6 ta gol hamda 2 golli uzatmaga mualilflik qildi. U Germaniya terma jamoasi safida 3 ta o‘yin o‘tkazgan.