“Челси” ҳам текин вариантдан қайтмайди

Calciomercato сайтининг ёзишича, “Челси” скаутлари Марсело Брозович ва “Интер” ўртасидаги вазиятни синчковлик билан кузатиб бормоқда.

Ҳозирча, томонлар янги битим борасида бир қарорга кела олмади. “Аристократлар” ёзда эркин агентга айланадиган ярим ҳимоячи билан январь ойида келишувга эришишни режалаштирмоқда. Улар тез орада Брозович агентлари билан ҳамкорлик борасида музокара бошламоқчи.

Маълумотларга кўра, хорватиялик футболчининг ўзи ҳам Англия чемпионатига ўтишга мойил. Унга “Челси”дан ташқари “Ливерпуль” ва “Тоттенхэм” ҳам иш таклиф қилишга тайёр.