“Челси” ҳамма орзу қилаётган суперфорвардни трансферга кўндирди

“Наполи”нинг чемпион бўлишига катта ҳисса қўшган Виктор Осимхен деярли барча гранд клублар нишонида турибди.

Football Transfers нашрининг маълум қилишича, нигериялик футболчини 2024 йилнинг ёзида трансфер қилиш имкониятидан “Челси” унумли фойдаланиб қолмоқчи.

“Аристократлар” моҳир тўпурар билан шартнома шартларини олдиндан келишиб, уни трансферга кўндиргани айтилмоқда. Лондонликлар бу учулни Кристофер Нкунку трансферида қўллаган эди.

Виктор Осимхен янги мавсумда ҳам тўпурарлик маҳоратини кўрсатмоқда. А Серияда учта учрашувда майдонга тушиб, учта гол урди.