"Челси" ҳимоячиси учун "Ювентус" ва "Интер" ўзароа рақобатлашади

"Ювентус" ва "Интер" клублари "Челси" ҳимоячиси Маркос Алонсони ўз сафига қўшиб олмоқчи. Бу ҳақда италиялик журналист Жанлуки Ди Марцио хабар тарқатмоқда.

Унга кўра, А Серия грандлари 28 ёшли испаниялик футболчини жорий ёзги трансферлар ойнаси ёпилгунича қўлга киритмоқчи. “Аристократлар” ҳам бош мураббий Фрэнк Лэмпард билан муносабатлари бузилган Алонсони сотиб юборишга тайёр.

Алонсо жорий мавсум “Челси” сафида 3 та ўйинда майдонга тушди. Унинг лондонликлар билан амалдаги шартномаси 2022 йилга қадар имзоланган.