"Челси" ҳимоячиси янги мавсумни "Рома"да ўтказади

Лондоннинг “Челси” клуби ҳимоячиси Давиде Дзаппакоста А Серияга қайтадиган бўлди. Бу ҳақда италиялик журналист Жанлуки Ди Марцио хабар тарқатмоқда.

Юқоридаги манбаага кўра 27 ёшли футболчини “Рома” клуби ижарага олади. У эртага “бўрилар” сафида тиббий кўрикдан ўтиш учун Римга етиб келади.

Маълумот учун, 27 ёшли Дзаппакоста “Челси”да 2017 йилдан буён тўп суриб келмоқда.