"Chelsi" ikki yulduzdan voz kechdi

Angliyalik taniqlik jurnalist Mett Lou “Chelsi” yozgi transferlar vaqtida birinchi bo‘lib qaysi o‘yinchilarini sotib yuborishidan xabar topganini ma’lum qildi.

Manbaning ta’kidlashicha, Tomas Tuxel mavsum yakunlangach, tarkibni kuchaytirishni hujum chizig‘ini yangilashdan boshlaydi. Birinchi bo‘lib, Timo Verner va Kristian Pulishich sotib yuboriladi.

Germaniyalik hujumchi o‘z hamyurti qo‘l ostida asosiy tarkibdan muqim joy olgani yo‘q. U maydonga tushgan bahslarda tanqid ostida qolyapti.

Amerikalik hujumkor futbolchi ayrim uchrashuvlarda gol yoki assist bilan jamoaga kam bo‘lsa-da, foyda keltirmoqda. Biroq murabbiylar shtabini Pulishichning umumiy jismoniy holati qoniqtirmayapti.