"Челси" Жиру ўрнига Россия премьер-лигасидан ҳужумчи олиб келмоқчи

Москванинг ЦСКА клуби форварди Фёдор Чалов "Челси"нинг қизиқишлар доирасига кириб қолди. Бу ҳақда Express нашри хабар бермоқда.

Юқоридаги манбаага кўра “аристократлар” 21 ёшли футболчини қишки трансферлар даврида 23,5 млн еврога сотиб олишмоқчи. У лондонликлар сафидан кетиши кутилаётган Оливье Жирунинг ўрнини эгаллайди.

Маълумот учун, Чалов жорий мавсум москваликлар сафида 27 та ўйинда иштирок этди ва 6 та гол ҳамда 5 та голли узатмага муаллифлик қилди. Унинг ЦСКА билан амалдаги шартномаси 2022 йилга қадар имзоланган.