“Челси” камида иккита шов-шувли трансферга қўл уради

Мавсум ўртасида бош мураббий Энцо Марескани ишдан бўшатиб, унинг ўрнига Лиам Росеньорни тайинлаган Лондоннинг “Челси” клуби янги мураббийлар штабини катта трансферлар билан қўллаб-қувватламоқчи.

“Аристократлар” ёзги трансфер ойнасида катта қийматга эга бўлган харидларни амалга оширишни режалаштириб қўйди ва шунинг учун ҳам январь ойида трансфер бозорида ц қадар фаоллик кўрсайман.

Журналист Низаар Кинселланинг хабар беришича, ёзда “Челси” бир неча шов-шувли харидларга қўл уради. Жамоа таклиф этиладиган юлдузлар рўйхатининг энг аввалига “Ювентус” ҳужумчиси Кенан Йилдиз номи ёзилган.

Бундан ташқари, лондонликлар “Манчестер Юнайтед”дан кетишга бел боғлаган Кобби Майну атрофидаги вазиятни ҳам синчковлик билан кузатиб бормоқда ва бу ўйинчи учун ҳам харажат қилишга тайёр.

Transfermarkt порталига кўра, Йилдизнинг нархи 75 миллион евро, Майнунинг қиймати эса 40 миллион евро деб баҳоланмоқда. Ҳар икки футболчи ҳам ҳозирда 20 ёшда.