“Челси”: Кетавер, ўрнингга олтита зўрини топиб қўйдик!

“Челси” етакчи ярим ҳимоячиси Энцо Фернандес кетиш истагини билдирганидан кейин аргентиналик футболчига муносиб ўринбосар қидириш ишларини бошлади.

Энцо Фернандес яқинда “Реал”га ўтиб кетган Марк Кукурелья ортидан “Қироллик клуби”га кўчиб ўтмоқчи. Ўз навбатида, мадридликлар ҳам бу ўйинчига жиддий қизиқиш билдирмоқда.

Бу ҳақда TEAMtalk хабар қилди.

Манбага кўра, “Челси” Фернандес ўрнини боса оладиган ўйинчилар рўйхатини туўиб қўйди. Хусусан, “Кристал Пэлас” ярим ҳимоячиси Адам Уортон ҳамон лондонликлар диққат марказида бўлиб турибди. «Челси» унинг вакиллари билан алоқага чиққан.

Шунингдек, клуб қуйидаги футболчиларни ҳам кузатмоқда:

• Ману Коне (“Рома”)
• Ламин Камара (“Монако”)
• Виктор Фрохольдт (“Порту”)
• Калеб Йиренки («Норшелланн»)

Бундан ташқари, «Челси» таркибни тажрибали футболчи билан ҳам кучайтириш имкониятини кўриб чиқмоқда. Шу сабабли “Пари Сен-Жермен”нинг 30 ёшли ярим ҳимоячиси Фабиан Руис ҳам номзодлар рўйхатига киритилган.