"Chelsi" Kovachich borasida bir qarorga keldi

Xorvatiyalik yarim himoyachi Mateo Kovachich klubi ro‘yxatini o‘zgartirishga yaqin turibdi. "Guardian" nashrining malum qilishicha, futbolchi London klubi bilan ketish haqida bilan kelishib oldi.

29 yoshli futbolchi uchun mumkin bo‘lgan kar’era variantlari orasida "Bavariya", "Manchester Siti" va "Manchester Yunayted" bor. Kovachichning “aristokratlar” bilan tuzgan mehnat shartnomasi kelasi yozda tugaydi.

"Chelsi" Mateoni keyingi yili tekinga boy bermaslik uchun mavsum oxirida sotishga qaror qildi. Yarim himoyachining transfer narxi 40 million evroni tashkil qiladi.

Kovachich joriy mavsumda Angliya premer-ligasida 25 ta o‘yinda maydonga tushib, bitta gol urdi va 2 ta samarali uzatmani amalga oshirdi.