“Chelsi” o‘n kun ichida to‘rtta zo‘r o‘yinchini olmoqchi

Eye Football nashrining yozishicha, “Chelsi” rahbariyati yakunlanishiga 10 kun qolgan qishki transferlar vaqtida to‘rtta futbolchini olishga harakat qiladi.

Asosiy nomzod “Sporting” hujumchisi Viktor Dokeresh hisoblanadi. Biroq portugaliyaliklar mavsum o‘rtasida o‘z forvardini qo‘yib yuborishga ko‘nmayapti.

Kutilmagan nomzod Karim Benzema hisoblanadi. Frantsiyalik 36 yoshli hujumchi “Al-Ittihod” rahbariyati bilan munosabati buzilgani va muxlislar tomonidan ko‘p tanqid qilinayotganini ko‘tara olmayotgani uchun Saudiya Arabistonini tark etmoqchi. “Aristokratlar” Benzemani mavsum oxirigacha ijaraga olib, hujumdagi muammoni bartaraf etishni ko‘zlagan.

Himoya chizig‘iga olib kelishi kutilayotgan futbolchilardan biri “Sautgempton” vakili Kayl Uoker-Piters hisoblanadi. U ko‘p jarohat olayotgan Ois Jeyms o‘rnini egallashi kerak.

Afrika Millatlar kubogida qator grandlar jo‘natgan skautlar kuzatuvida bo‘lgan Usmon Diomande ham “Chelsi” ro‘yxatiga kiritilgan. Klublarmiqyosida “Sporting” sharafini himoya qilayotgan 20 yoshli ivuarlik markaziy himoyachi timsolida londonliklar yshi o‘tib qolgan Tsgo Silvaga munosib o‘rinbosarni ko‘rmoqda.