"Челси" ўз тарихида учинчи марта ЕЧЛ финалига чиқди, бу борада лондонликларнинг ўта ғалати одати давом этмоқда

Бироз аввал, УЕФА Чемпионлар Лигаси ярим финалининг жавоб беллашувида "Челси" "Реал"ни мағлуб этиб, финал йўлланмасини қўлга киритди. Бу "аристократлар"нинг учинчи маротаба Европа клублари миқёсидаги энг нуфузли турнир финалида қатнашиши бўлади. 

Эътиборлиси, лондонликлар ҳар уч сафар ҳам мавсум давомида жамоага олиб келинган мураббий билан бу ишни уддалади. 2007 йилнинг сентябрида муваффақиятсиз старт сабабли, Жозе Моуриньо жамоа мураббийлигидан озод этилади. Унинг ўрнига олиб келинган Авраам Грант эса, клубни тарихда илк маротаба ЕЧЛ финалига олиб чиқади. 

2012 йилда Андре Виллаш-Боаш мавсум ярмида муваффақиятсиз ўйинлар сабаб истеъфога чиқарилади. Унинг ёрдамчиси Роберто ди Маттео "Челси"ни мусобақа финалига олиб чиқади ва илк титулни олиб беради. 

Ушбу мавсумда эса Томас Тухель Фрэнк Лэмпардни алмаштирганини яхши эслайсиз.