“Челси” қиммат ўйинчидан воз кечмоқда

Footmercato нашрининг ёзишича, “Челси” ёзги трансферлар вақтида қимматбаҳо футболчиларидан бири – дарвозбон Кепа Аррисабалагани трансферга қўйишга қарор қилди.

Ўз вақтида 80 миллион еврога харид қилинган посбон “Челси”нинг охирги йиллардаги энг омадсиз трансфери ҳисобланади. Унинг кетма-кет хатоларидан кейин клуб Эдуар мендини харид қилди. Сенегаллик посбон Испания терма жамоаси дарвозабонини рақобатда ортда қолдирди.

“Аристократлар”га катта маош оладиган Кепани захирада олиб ўтириш ортиқча харажат ҳисобланади. Менди асосимй таркибга шу қадар мустаҳкам жойлашганки, Аррисабалаганинг ўзи ҳам мунтазам ўйин амалиётига эга бўлиш учун клубдан кетиши кераклиги яхши тушуниб турибди.

“Челси” Аррисабалагани 65 миллион еврога баҳоламоқда. Ҳозирча, унга битта даъвогар “Ньюкасл” бўлиб турибди. Бироқ бу жамоа дарвозабон трансферини 50 миллион еврога ҳал қилмоқчи.