"Челси" "Реал" жиддий қизиқиш билдирган футболчи учун рақобатда пешқадам бўлиб турибди

"Челси" клуби "Борнмут" футболчиси Дин Хёйсеннинг трансфери учун рақобатда етакчилик қилмоқда.

Ҳозирда Англия клублари испаниялик ҳимоячи ҳолатини жиддий кузатиб боришмоқда. Бу ҳақда машҳур "Тhe Independent" нашри хабар бермоқда. "Аристократлар" яқинда бўлиб ўтиши режалаштирилаётган Клублар ўртасидаги Жаҳон чемпионатигача ушбу трансферни амалга оширишга умид қилмоқда. Улар 19-ёшли футболчига 7 йиллик шартнома таклиф қилишга тайёр. 

Хёйсеннинг амалдаги шартномасида 50 миллион фунт стерлинглик товон пули мавжуд. "Борнмут" футболчисига "Челси" билан бир қаторда, "Ливерпуль", "Арсенал" ва "Ньюкасл" жамоалари ҳам қизиқиш билдиришмоқда. Дин ушбу мавсум 31 ўйинда майдонга тушиб, 2 та гол ва 1 та голли узатма амалга оширди.