"Челси" Рюдигерга янги шартнома таклиф қилди. Аммо...

Лондоннинг "Челси" клуби раҳбарияти ҳимоячи Антонио Рюдигер билан ҳамкорликни давом эттириш истагида.

Sky Sports тарқатган хабарга кўра, “аристократлар” 27 ёшли германиялик футболчига "3+1" кўринишида янги шартнома имзолашни таклиф қилишмоқда. Бироқ, карантин туфайли бу борадаги музокаралар кейинроққа қолдирилган.

Антонио Рюдигер “Челси” сафида 2017 йилдан буён тўп суриб келмоқда. У ўтган давр мобайнида лондонликлар сафида 105 та ўйинда майдонга тушиб, рақиблари дарвозасини 6 марта ишғол этишга муваффақ бўлди.