“Челси” суперҳужумчи учун “Реал”нинг ҳар қандай таклифидан кўп тўлашга тайёр

 “Челси” ёзги трансферлар вақтида Эрлинг Холандни сотиб олиш нияти жиддий эканини намойиш қилмоқда.

Лондонликлар бу ҳужумчини қўлга киритиш учун асосий даъвогар ҳисобланган “Реал”нинг ҳар қандай таклифидан кўпроқ тўлашга тайёрлигини маълум қилди.

Тез кунларда “Челси” мутасаддилари Холанднинг агенти Мино Райола билан учрашиб, норвегиялик тўпурарнинг трансфери бўйича келишиб олишни мақсад қилган. Абрамович вакиллари Холандни “Челси”га кўндириш учун Райолага ҳам катта миқдорда гонорар ваъда қилмоқда.

“Боруссия” билан Холанд ўртасидаги шартномага кўра, 2021 йилнинг ёзида 75 миллион евро тўлаган ҳар қандай клуб норвегиялик ҳужумчини ўз таркибига қўшиб олиши мумкин бўлади.

Матнда хатолик топсангиз, ўша хатони белгилаб, бизга жўнатинг (Ctrl + Enter)