"Chelsi" tarkibga yettinchi hujumchini sotib olmoqda

Londonning «Chelsi» klubi yana bir hujumchi bilan shartnoma tuzmoqda. Jamoa tarkibiga 35 yoshli tajribali forvard Danni Uelbek qo‘shiladi. U bundan oldin ham «Arsenal» va «Manchester Yunayted» tarkibida to‘p surgan.

Jurnalist Fabrizio Romano tarqatgan ma’lumotga ko‘ra, Uelbek «Chelsi» bilan 2028 yil yozigacha mo‘ljallangan shartnoma imzolamoqda. Tomonlar o‘rtasidagi barcha shartlar kelishilgan, bitim yakunlangani aytilmoqda.

O‘tgan mavsumda Uelbek Angliya premyer-ligasida 13 ta gol urdi va chempionatning eng samarali hujumchilari o‘ntaligiga kirdi. Uning kelishi bilan Danni klubdagi eng yoshi katta futbolchiga aylanadi. Ungacha «Chelsi» tarkibida eng katta yoshdagi o‘yinchi 28 yoshli Aksel Disasi edi.