"Челси" ва "Сити" мухлислари финалдан олдин ўзаро муштлашди (видео)

Daily Mirror нашрининг хабар беришича, бугун 28 май куни "Челси" ва "Манчестер Сити" мухлислари Чемпионлар лигаси финали олдидан Порту шаҳридаги (Португалия) Дуэро дарёси бўйида жанжал келтириб чиқарган.

Қайд этилишича, тўқнашув мухлислардан бирига томон ташланган ичимликли стакан туфайли юз берган. Қуйида ушбу ҳолатга ўзингиз гувоҳ бўлишингиз мумкин:

Чемпионлар лигаси финал учрашуви 29 май куни “Драгау” стадионида Тошкент вақти билан соат 00:00 да бошланади.