"Chelsi" Villianning Braziliyaga ketishiga ruhsat berdi

Londonning "Chelsi" klubi rahbariyati braziliyalik yarim himoyachi Villianga karantin paytida vataniga ketishga ruhsat berdi. Ta’kidlash kerakki, ayni damda uni Braziliyada oilasi, farzandlari kutmoqda.

Eslatib o‘tamiz, bundan avvalroq "aristokratlar" forvardi Kallum Xadson-Odoida koronavirus aniqlangani sabab jamoaning barcha a’zolari karantinga olingan edi. Kuni kecha Kallum virusni engib chiqqani va sog‘aygani haqida xabarlar tarqaldi.

Ma’lumot uchun, Villianning "Chelsi" bilan amaldagi shartnomasi yozda o‘z nihoyasiga etadi.