"Челси" Хадсон-Одоини "Бавария"га сотмайди

Лондоннинг "Челси" клуби чап қанот вингери Каллум Хадсон-Одои янги мавсумда ҳам жамоада қоладиган бўлди.

Bild нашри тарқатган хабарга кўра "Бавария" 18 ёшли футболчи учун 25 млн евро таклиф қилган, бироқ “аристократлар” буни рад этишган. Лондонликлар ёш иқтидор эгаси билан амалдаги шартномани яна 5 йилга узайтиришни режалаштиришмоқда.

Маълумот учун, Хадсон-Одои ўтган мавсум “Челси” сафида жами 24та ўйинда иштирок этди ва рақиблари дарвозасига 4та гол уришга эришди.