"Челси" янги хўжайини билан бирданига АПЛ рекордини янгилади

"The Swiss Ramble" нашри хабарига кўра, 2022/23 йилги мавсумда Лондон клуби бонусларни ҳисобга олмаганда трансферлар учун 372 миллион фунт сарфлаган. "Аристократлар" олдинги хўжайин Роман Абрамович қўл остидаги мавсумда харажат қилиш бўйича рекорд 290 миллион фунтни ташкил этган ( 2017/18 йилги мавсумда).

Премьер-лиганинг бир мавсумдаги сарф-харажатлари бўйича рекорди "Манчестер Сити"га тегишли бўлиб, "шаҳарликлар" 2017/18 йилги мавсумда 328 миллион фунт стерлингга футболчилар сотиб олган.

Қайд этилишича, 372 миллион фунт – "Челси"нинг барча харажатлари эмас. Потенциал бонуслар 51 миллион фунт. Бундан ташқари, клуб Жоау Фелиш ва Денис Закарияларни ижарага олиш учун 10 миллион фунт сарфлади.