"Челси" Yokohama билан келишувни узайтирмади, уларда янги титул ҳомий пайдо бўлди

Yokohama команияси ва "Челси" ўртасида тузилган титул ҳомийлик шартномаси якунига етди. Томонлар янги шартнома бўйича келишувга эриша олишмади, дея хабар бермоқда инглиз клуби расмий матбуот хизмати.

Манба хабарига кўра, лондонликларнинг янги техник ҳомийси сифатида Буюк Британиянинг телекоммуникация ва интернет хизматларини етказиб бериш билан шуғулланувчи Three UK (Hutchison 3G UK Limited) компанияси эътроф этилади.

Бундан ташқари, "Челси" шина ишлаб чиқарувчи Yokohama бренди билан ҳамкорлик ишларини маълум доирада давом эттиради.

Эслатиб ўтамиз, япон клуби ва Лондон клуби ўртасидаги келишув 2015-йилда тузилган ва ўтган муддат ичида "Челси" ушбу ҳамкорликдан жами 200 миллион фунт стерлинг ишлаб олган.