"Челси" ёш иқтидор эгасини яна ижарага бериб юборди

"Челси" ҳимоячиси Итан Ампаду янги мавсумни "Шеффилд Юнайтед"да ўтказадиган бўлди. Бу ҳақда клуб расмий сайти хабар тарқатмоқда.

“Шеффилд” 19 ёшли уэльслик футболчини 2021 йилнинг ёзигача ижарага олди. Итан янги жамоасида 13-рақамда тўп суради.

Ампаду 2017 йилдан буён “Челси” футболчиси ҳисобланади. Ўтган давр мобайнида у “аристократлар” сафида жами 12 та ўйинда майдонга тушди. Орада “РБ Лейпциг”га ижарага ҳам бериб юборилди. У ёш бўлишига қарамай Уэльс терма жамоасида шу кунгача 11 та учрашув ўтказишга муваффақ бўлган.