"Ювентус" клубининг янги бош мураббийи "Челси" устози Маурицио Сарри бўлиши мумкин. Бу ҳақда SNAI Sportnews хабар тарқатмоқда.

Юқоридаги манбаага кўра “кекса синьора” раҳбарияти мавсум якунлангач “аристократлар” бошқарувидан четлатилиши мумкин бўлган 60 ёшли италиялик мутахассисни жамоага олиб келмоқчи.

Туринликларда шунингдек Франция терма жамоаси бош мураббийи Дидье Дешам ва "Тоттенхэм" бош мураббийи Маурисио Почеттино номзодлари ҳам бор. Бироқ, уларни қўлга киритиш деярли имконсиз.

Эслатиб ўтамиз, бундан аввалроқ Массимилиано Аллегри мавсум якунлангач "Ювентус"дан кетиши ҳақида эълон қилинган эди.