"Челси"га УЕФА Суперкубоги учун қанча чипта берилади?
Лондоннинг "Челси" клуби УЕФА Суперкубоги учун ўтказиладиган баҳсда 5 минг чипта олади. Бу ҳақда клуб расмий сайти хабар бермоқда.
Эслатиб ўтамиз, “аристократлар” Европа лигаси финалида ҳамшаҳари “Арсенал”ни (4:1) енгиб, бош совринни қўлга киритишган эди. Улар энди Суперкубокда "Тоттенхэм"ни (2:0) таслим этиб чемпион бўлган "Ливерпул"га қарши ўйнашади.
Маълумот учун, УЕФА Суперкубоги учрашуви 14 август куни Истанбулдаги "Водафон Парк"да бўлиб ўтади. Ушбу арена ўз бағрига 42 минг томошабинни сиғдира олади.
Фикрлар