"Челси"ни португалиялик мутахассис бошқариши мумкин

Лондоннинг "Челси" клуби “Ювентус”га кетиши айтилаётган Маурицио Сарри ўрнига муносиб мураббий қидиришни давом эттиримоқда.

The Guardian нашри тарқатган хабарга кўра “аристократлар”нинг бу борадаги шорт-листидан "Вулверхэмптон" устози Нуну Эшпириту Санту ҳам жой олди. Таъкидлаш керакки, португалиялик мутахассис ушбу жамоани 2017 йилдан буён бошқариб келмоқда. Унинг бошқарувидаги жамоа якунланган мавсум АПЛда 7-ўринни эгаллади.

Эслатиб ўтамиз, бундан аввалроқ “Челси” бош мураббийлиги учун Фрэнк Лэмпард ("Дерби Каунти") ва Хави Грасия ("Уотфорд") каби мутахассислар номзоди борлиги ҳақида хабарлар тарқалган эди.