Черан ва Чаласан ҳам қўшилишди ёхуд "Андижон"нинг Анталиядаги йиғини қандай ўтмоқда?

Маълумки,”Андижон” клуби ҳам Туркиянинг Анталия шаҳрида янги мавсумга ўқув-машғулот йиғинларини олиб бормоқда ва кунига икки маҳалдан шуғулланишмоқда.

Ушбу йиғин доирасида жамоа бугунги кундаги дастлабки қисмидаги машғулотни юқори суръат ва аниқ мақсадлар билан ўтказди. Илиқ иқлим, табиат ва профессионал шароитлар футболчиларга машғулотларни тўлиқ куч билан бажариш имконини бермоқда. Майдонда ҳаракат, интизом ва жамоавий уйғунлик яққол кўзга ташланмоқда.

Машғулот жисмоний тайёргарликка қаратилган машқлар билан бошланди. Чидамлилик, тезкорлик ва кучни оширишга қаратилган элементлар тўп билан олиб борилган машқлар билан уйғунлаштирилди. Мураббийлар штаби ҳар бир эпизодни диққат билан назорат қилиб, футболчилардан юқори талаб қўймоқда.

Анталия йиғинининг асосий мақсади — жамоани янги мавсумга ҳар томонлама тайёр ҳолга келтириш. Шу боис ҳар бир машғулот максимал фойда олиш тамойили асосида ташкил этилмоқда.

Футболчиларнинг иштиёқи, майдондаги ўзаро тушуниш ва рақобат муҳити йиғин самарали ўтаётганидан далолат бермоқда.

“Андижон” Анталиядаги ҳар бир кунни фойдали ўтказишни бош мақсад қилиб олган. Машғулотлар эса келажакдаги муваффақиятлар учун мустаҳкам пойдевор бўлиб хизмат қилмоқда.

Куннинг иккинчи қисмидаги тайёргарлик жараёни ҳам жадал суръатларда давом этмоқда.

Машғулотда жамоага Черан ҳамда Чаласан ҳам қўшилишди. Ундан аввал эса Имеда Ашортиа ва Игорь Голбан ҳам таркибга қўшилишган. Уларнинг сафга қайтиши тайёргарлик жараёнини янада бойитди ва рақобат муҳитини кучайтирди. Футболчилар машғулот давомида юқори кайфият ва катта иштиёқ билан иш олиб боришди.

Мураббийлар штаби асосий эътиборни жисмоний ҳолат, тўп билан ишлаш ҳамда тактик вазифаларга қаратди. Машғулот юқори суръатда, интизом ва жамоавий руҳда ўтди.

Анталия йиғини жамоа учун янги мавсум олдидан муҳим босқич бўлиб, ҳар бир машғулот умумий мақсад сари ташланган навбатдаги қадам ҳисобланади. Тайёргарлик давом этади.