"Chessable Masters": Nodirbek Abdusattorov va Shamsiddin Vohidov nufuzli turnirda muvaffaqiyatli dona surmoqda

Shaxmat olamidagi eng nufuzli onlayn seriya - "Champions Chess Tour" doirasida yil davomida turli musobaqalar  o‘tkazilib kelinadi. 

 

Hozirda ushbu tur doirasida "Chessable Masters" turniri 3 ta divizionda bo‘lib o‘tmoqda. 

 

2-divizionda ishtirok etayotgan hamyurtimiz Nodirbek Abdusattorov, nimchorak finalda Niderlandiya vakili Anish Girini, chorak finalda esa hindistonlik yosh shaxmatchi Arjun Erigasini mag‘lub etgan holda yarim finalga yo‘l oldi. Bugun, 5 aprel kungi yarim finalda u rossiyalik Denis Lazavik bilan o‘yin o‘tkazadi.

 

3-divizionda ishtirok etayotgan yana bir yurtdoshimiz Shamsiddin Vohidov ham chorak finalda rossiyalik Aleksey Saranadan ustun keldi. Unga yarim finalda eronlik Amin Tabatabaei raqib bo‘ladi.