Чимаeвнинг овқатдан заҳарлангани ҳақидаги миш-мишлар қанчалик тўғри?

Саудиялик тадбиркор ва Ҳамзат Чимаев(13-0)нинг жамоадоши – Хан жангчининг овқатдан заҳарлангани сабабли Роберт Уиттакер(25-7)га қарши жангидан воз кечганини мутлақо бемаънилик деб атади.

 “Ҳамзат Чимаeвнинг овқатдан заҳарлангани сабабли жангни ташлаб кетгани ҳақидаги бу сохта миш-мишларнинг барчаси бемаънилик. Биродар сифатида унинг оғир дамлари ҳақида гапирмайман, лекин менга ишонинг – у қаттиқ касал бўлиб шифохонага ётқизилган эди. Уни бундай ёмон ҳолатда кўриш барчамиз учун жуда қийин бўлди”, — деб ёзди тадбиркор ижтимоий тармоқда.