Чиройли ғалабадан сўнг Бердиев ўз фикрлари билан ўртоқлашди

Осиё чемпионлар лигаси гуруҳ босқич 5-туридан ўрин олган "Насаф" - "Ал-Садд" баҳси бўлиб ўтди. Унда қаршиликлар 3:1 ҳисобида рақибдан устун келди. 

Ўйиндан сўн Рўзиқул Бердиев матбуот анжуманида иштирок этди. Қуйида "аждарлар" мураббийининг фикрлари билан танишиб чиқишингиз мумкин.

- Ҳаммага хайрли кеч. Бугунги ғалабанинг асосий омили ўйинни яхши ташкил қилганимиз бўлди. Шунингдек, рақибнинг кучли тарафларини ёпишга футболчиларимиз интилишди. Иккинчи бўлимда хужумда ҳам омадимиз келди.

Бизнинг бу турнирда мақсадларимиз жиддий эди. Ўз мақсадимиздан қайтмаймиз ва кейинги ўйинда ҳам яхши ҳаракат қилиб, гуруҳдан чиқиш учун охиригача ҳаракат қиламиз.

Жамоангиз сўнгги икки ўйинда гол ура олмаганди. Бугунги 3 та голдан кейин ўзингизни қандай ҳис қиляпсиз?

Ўтган кунги матбуот анжуманида ҳам шу саволни бергандингиз. Ўшанда айтганимдек, фақат ҳужумчилар эмас, бошқа футболчилар ҳам олдинга ўтиб туриши керак. Бугун бу ўзини оқлади. Умид қиламанки, ушбу ғалабадан кейин ҳужумчиларимдаги руҳий ҳолат ҳам барқарорлашади.