Coca Cola Суперлига ўйинлари марказлашган ҳолатда ўтмайди
Хабарингиз бор, 10 июль санасидан мамлакатимизда карантин чоралари кучайтирилди. Шу боис, ЎзПФЛ Coca Cola Суперлиганинг 10-, 11- ва12-тур учрашувларини марказлашган ҳолда Тошкент шаҳри ва Тошкент вилоятида ўтказиш режасини ишлаб чиқишни бошлагани ҳақида ташкилот бош директори вазифасини бажарувчи Диёр Имомхўжаев хабар бериб ўтган эди.
Бироқ, Суперлига клубларининг 6 таси мусобақани марказлашган ҳолатда ўтказишга қарши овоз бергани маълум бўлди.
“ЎзПФЛ бу масалани вақтинчалик кун тартибидан чиқарди. Умид қиламизки, республикада вазият яхшиланади ва ЎзПФЛ яна марказлашган мусобақа масаласига қайтишга мажбур бўлмайди”, – дейилади ПФЛ расмий сайтида эълон қилинган баёнотда.
Фикрлар