Далич: "Испания 900 та пас амалга оширди ва Марокашга мағлуб бўлди

Хорватия терма жамоаси бош мураббийининг фикрича, Испания терма жамоасининг тактикаси эскирган. 

"Менинг фикримча, тики-така тарихда қолган. Испания 900 та пас амалга оширди ва Марокашга мағлуб бўлди. Франция қарши ҳужум тактикасида ўйнади. 

Зич ва сифатли ҳимоя, тезкор ўйинчилар ва қарши ҳужум - келажак футболи шуларга асосланади", - дея Даличнинг сўзларини келтирди. Evening Standart нашри журналисти Низаар Кинселла. 

Маълумот учун, эртага 20:00да жаҳон чемпионати бронза медали учун ўйин бўлиб ўтади. Унда Марокаш ҳамда Хорватия терма жамоалари 3-ўрин учун кураш олиб боради.