Дани Алвес АПЛда ўйнамоқчи
Ads

ПСЖ клуби ҳимоячиси Дани Алвес фаолиятини Англия премьер-лигасида давом эттириши мумкин.

UOL Esporte нашри тарқатган хабарга кўра 36 ёшли бразилиялик футболчи ҳозирча парижликлар билан амалдаги шартномани узайтириш масаласида бир қарорга келганича йўқ. У ўз кучини АПЛда синаб кўриш истагини билдирмоқда ва унинг агенти айни дамда туманли альбиондан унга муносиб жамоа қидирмоқда.

Эслатиб ўтамиз, Алвеснинг ПСЖ билан амалдаги шартномаси жорий мавсум якунида ўз ниҳоясига етади.