Dani Alves: "Barsa" libosida hattoki tosh-qaychi-qog‘oz o‘yinida ham g‘alaba qozonish kerak!"

Evropa ligasi pley-off bosqichiga qur’a tashlash marosimi bo‘lib o‘tdi.

Chempionlar ligasi "E" guruhida 3-o‘rinni egallab, Evropa ligasiga yo‘l olgan "Barselona" himoyachisi Dani Alves qur’a haqida fikr bildirdi:

"Menimcha, biz har qanday chaqiruvga tayyor bo‘lishimiz va Evropa ligasini yutishimiz lozim. Biz har safar "Barsa" libosini kiyganimizda, uning mas’uliyatini his etamiz. Qaysi turnirda ishtirok etishimizdan qat’i nazar, klubning buyukligini hurmat qilishimiz kerak.

Siz "Barselona" libosini kiysangiz, doim g‘alaba qozonishingiz shart. Hatto, tosh-qaychi-qog‘oz o‘yinida ham",-dedi futbol tarixidagi eng sovrindor futbolchi.