Дастан Сатпаевни “Челси”дан кетишга Хаби Алонсо кўндиргани маълум бўлди

Россиялик журналист Иван Карпов Қозоғистон терма жамоаси ҳужумчиси Дастан Сатпаевнинг “Челси”дан ижара асосида “Бёрнли”га ўтиши тафсилотларини ошкор қилди.

- Сатпаев “Челси”дан 2027 йил ёзигача сотиб олиш ҳуқуқисиз пуллик ижара асосида “Бёрнли”га ўтди. Қишда лондонликлар келишувни бекор қилиб, Қозоғистон терма жамоасининг 18 ёшли ҳужумчисини қайтариб олиш ҳуқуқига эга.

Хаби Алонсо Сатпаев билан шахсан суҳбатлашди ва уни Англия футболи ҳамда Буюк Британиядаги ҳаётга мослашиши учун Чемпионшип клубига ўтишга кўндирди. Хаби ҳозир Дастан учун энг асосийси имкон қадар кўпроқ ўйнаш эканини қатъий таъкидлади.

Йигит мураббийининг гапига қулоқ солди ва 36 ёшли Уокер ҳамда Ганнибал билан бир жамоада ўйнашга рози бўлди. “Бёрнли”да қозоғистонлик футболчи 12-рақамни танлади, - деб ёзди Карпов.

Аввалроқ Сатпаев лондонликлар билан 2033 йилгача шартнома имзолагани ва “Челси”нинг Австралия ҳамда Осиёга қилган ёзги турнесига йўл олган таркибидан жой олгани хабар қилинган эди.