Дастин Порье Холлоуэйни мағлуб этиб UFC вақтинчалик чемпионига айланди

АҚШнинг Атланта штатида UFC 236 турнир бўлиб ўтгани ҳақида аввалроқ хабар бергандик.

Турнирнинг кеча баҳсида Дастин Порье Макс Холлоуэйни мағлуб этиб, промоушен енгил вазн вақтинчалик чемпионлик камарини қўлга киритди.

Айтиб ўтиш жоизки, ҳакамлар қарорига кўра, Порье 49-46 ҳисоби билан ғалаба қозонди.

Маълумот учун, Порье ММАдаги фаолияти давомида 25 учрашувда ғалаба қозониб, 5 марта имкониятни бой берган. Холлоуэй эса 24-4 кўрсаткичига эга.

Таъкидлаш жоизки, Дастин Порье енгил вазн чемпиони Хабиб Нурмагомедовга қарши жорий йилнинг сентябрь ойида октагонга кўтарилиши мумкин.