Давид Луиз Суперлига дебютанти билан 2 йиллик шартнома имзолади

“Арсенал”, “Челси” ва ПСЖ клубларининг собиқ ҳимоячиси Давид Луиз фаолиятини Туркия Суперлигасида давом эттирадиган бўлди.

Мавсум дебютанти ҳисобланган “Адана Демирспор” клуби 34 ёшли бразилиялик футболчи билан 2 йиллик шартнома имзолади. Бу ҳақда Fanatik.com.tr сайти хабар тарқатмоқда.

Бундан аввалроқ “Адана Демирспор” клуби италиялик машҳур ҳужумчи Марио Балотелли билан 3 йиллик шартнома имзолаган эди.

Давид Луиз ўтган мавсум АПЛда жами 20 та ўйинда майдонга тушган ва 1 та гол уришга муваффақ бўлган.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию