Давид Сильва А Серия клуби билан 3 йиллик шартнома имзолайди

“Лацио” клуби испаниялик ярим ҳимоячи Давид Сильва билан музокараларни давом эттирмоқда.

Италиялик журналист Николо Скиранинг твиттер саҳифасида маълум қилинишича, 34 ёшли футболчи римликлар билан 3 йиллик шартнома имзолашга яқин турибди. Йиллик маоши эса 3 млн еврони ташкил этади. Томонлар ўртасидаги келишув яқин кунларда имзоланиши кутилмоқда.

Давид Сильва 10 йиллик фаолиятидан сўнг, “Манчестер Сити”ни тарк этди. У айни дамда эркин агент ҳисобланади.