Давид Сильва коронавирусга чалинди

"Реал Сосьедад"нинг янги аъзоси Давид Сильвада коронавирус аниқланди. Бу ҳақда клуб расмий сайти хабар бермоқда.

Юқоридаги манбага кўра, 34 ёшли испаниялик футболчи касалликни аломатларсиз ўтказмоқда. У ҳозир карантинга олинган.

Давид Сильва “Реал Сосьедад” сафига 18 август куни эркин агент сифатида келиб қўшилди ва 2022 йилга қадар шартнома имзолади.