Даврон Файзиев: Айни пайтда менинг ўрнимда бўлишни ҳеч ким хоҳламаса керак

АГМК - «Динамо» (3:1) учрашувидан кейин Даврон Файзиев ўз фикрларини билдирди. Бу ҳақда "Динамо" клуби матбуот хизмати хабар берди.

- Бугун жадвалда ёнма-ён турган икки жамоа ўртасидаги баҳс гувоҳига айландик. Биз яна ўз хатолармиз туфайли жазоландик. Бугун қарши ҳужумлар қурбонига айландик десак тўғрироқ бўлади. Масалан, яримта вазиятлардан фойдалана оладиган Григалашвилига ўхшаган футболчи бизнинг жамоада йўқ.

Иккинчи даврани кетма-кет олтита мағлубият билан бошладик. Айни пайтда менинг ўрнимда бўлишни ҳеч ким хоҳламаса керак. Қийин вазиятдан чиқишга ҳаракат қиламиз.

Иккинчи бўлимда устунлик қилдик? Сен урмасанг сенга уришади, бу футболнинг қоидаси. АГМКни ҳаққоний ғалаба билан табриклайман.

АГМКнинг қарши ҳужумларидан эҳтиёт бўлишимиз кераклигини айтгандим. Биринчи гол ўтказиб юборганимиздан кейин йигитлар футбол ўйнашни бошлашди. Биринчи таймнинг ўзида биз мезбонлардан кўпроқ ҳужум ташкил қилдик, иккинчи таймда ҳам биз ҳужумга ўтдик, аммо голни АГМК урди, - деди Даврон Файзиев.

Фикрлар

Саралаш
Фикр қолдириш учун авторизациядан ўтинг!
Расулжон Тоштемиров
15/09/2019 06:37
Айб сиздамас болаларда хали вакт куп Самарканд чидайди пролига дегани бор
Жавоб ёзиш
Расулжон Тоштемиров
15/09/2019 06:30
Ха тугри 6 та маглубят Оз эмас виждон булганда айтингчи бош тренер ким узи??? Айиб мухлисда
Жавоб ёзиш