Даврон Файзиев: Футбол мухлислар учун!

Африка Миллатлар кубоги ярим финал босқичи доирасида Сенегал Буркина-Фасо устидан 3:1 ҳисобида ғалаба қозониб, ҳал қилувчи баҳсда иштирок этиш ҳуқуқини қўлга киритди. Машҳур шарҳловчи Даврон Файзиев ушбу ўйинга доир қизиқарли маълумот ҳақида ёзди:

"Кеча Африка кубоги ярим финалида Сенегал 3:1 ҳисобида Буркина-Фасо устидан ғалаба қозониб финалга чиқди. Сенегал лидери Садио Мане гол урди, турнирда учинчиси. Яна иккита ассист бор. Кубокни ютадими билмадиму, лекин Мане чемпионатнинг бош қаҳрамони бўлиши мумкин.

У Камерунга ярим финал ўйинига келиши учун 50 нафар мухлиснинг сарф-ҳаражатларини тўлаб берган. Финалда эса янада кўпроқ мухлисни таклиф этмоқчи. Ажойиб. Футбол мухлислар учун ва Садио уларнинг камида элликтасига унутилмас байрам тақдим этди. Мане чемпион!

Бугун иккинчи ярим финалда мезбон Камерун ва Миср ўзаро ўйнайди. Агар Кейруш бошчилигидаги Миср ғолиб чиқса, Ливерпуль ҳужумчилари Салоҳ ва Мане финалда бир-бирига қарши чиқади".