Дайо Упамекано келаси йили топ-клубга кўчиб ўтиши мумкин

“Бавария”нинг марказий ҳимоячиси Дайо Упамекано келаси йили бошқа топ-клубга трансфер қилиши эҳтимоли бор. Француз футболчи мюнхенликлар билан шартномани узайтирмади – амалдаги келишув мавсум охирида тугайди.

Журналист Фабрис Хокинс маълумотига кўра, “Реал” вакиллари 27 ёшли футболчининг атрофидагилар билан алоқага чиқди, шунингдек, агар Упамекано “Бавария” билан келишувга эришмаса, ПСЖ ҳам таклиф киритишга тайёр.

“Бавария” ҳозирча музокарани тўхтатмаган – ҳамкорлик давом этмоқда. Марказий ҳимоячига қизиқиш Англиянинг “Ливерпуль” клуби томонидан ҳам билдирилган, улар Ибраима Конате кетиши мумкинлигини ҳисобга олишмоқда. Transfermarkt порталига кўра, футболчининг нархи 60 млн евро атрофида баҳоланган.