Де Бруйне: “Биз Англия ва Германияга қарши яхши ўйнадик, аммо Еврода ҳаммаси бошқача”

Кевин Де Бруйненинг фикрича, Бельгия терма жамоаси "Евро-2024"да муваффақият қозонишга қодир.

“Январ ойида жароҳатдан тузалгач, ҳаммаси яхши ўтди, мен кўп ўйинларни яхши даражада ўтказдим. Ҳозир ўзимни аъло ҳис қиляпман ва Белгияга ушбу турнирда муваффақият қозонишда ёрдам бераман деган умиддаман.

Бу турнирда катта муваффақиятларга эришиш учун жамоа тайёр ва катта куч борлигини ҳис қиляпман. Жаҳон чемпионатидан кейин жамоа ўзгарди, кўплаб янги футболчилар қўшилди. Биз Англия ва Германияга қарши яхши ўйнадик, аммо Еврода ҳаммаси бошқача”, - дейди бельгиялик ярим ҳимоячи.

Бугун 1-тур учрашувида бельгияликлар Словакия билан баҳс олиб боришади.