Де Брюйненинг рекорди Мюллер томонидан йўқ қилинди

"Бавария" ҳужумчиси Томас Мюллер кеча Бундеслиганинг сўнгги турида "Вольфсбург"га (4:0) қарши бўлиб ўтган ўйинда жамоасининг голларидан бирига ассистентлик қилди.

Opta статистик портали тарқатган хабарга кўра, германиялик футболчи шу тариқа жорий мавсум чемпионатда амалга оширган голли узатмалари сонини 21 тага етказиб олди ва рекорд ўрнатди.

Мюллер бу борада Кевин Де Брюйне томонидан ўрнатилган Бундеслига рекордини янгилади.

Томас жорий мавсум “Бавария” сафида жами 45 та ўйинда майдонга тушиб, ўз ҳисобига 12 та гол ҳамда 25 та голли узатма ёздириб қўйишга эришди.