Де Йонг: "Барселона" энди Чемпионлар лигасини ютишни истайди"

Френки де Йонг "Барселона"нинг Ла Лигадаги чемпионлиги муносабати билан ўтказилган парадда жамоанинг асосий мақсадларидан бири ҳақида гапирди.

"Мухлислар бутун мавсум давомида бизни қўллаб-қувватлашди. Шунинг учун бу қувончни улар билан бўлишиш биз учун жуда муҳим. Биз ва мухлислар ўртасида ажойиб алоқа бор.

Жамоамизда академия тарбияланувчилари жуда кўп. Улар шу ерда ўсган. Ёш футболчилар жамоа учун бор кучини беради ва менимча, бу нарса мухлисларга ҳам ўтади.

Ёш ўйинчилар бизга катта энергия беради. Улар юқори сифатга эга ва айнан шунинг учун биз совринлар ютиб келяпмиз.

Бу жамоа ғалабаларга чанқоқ. Биз кўплаб совринларни, айниқса Чемпионлар лигасини ютишни истаймиз ва бунинг учун бор кучимизни берамиз", — деди де Йонг.