Де Йонг Нидерландия терма жамоасидаги фаолиятини якунлади
ПСВ ҳужумчиси Люк де Йонг Нидерландия терма жамоасидаги фаолиятини якунлаганини маълум қилди.
"Мен халқаро футболдаги фаолиятини якунлайман. Бу катта шараф эди. Нидерландия терма жамоасига барча хотиралар учун раҳмат", — деб ёзди 32 ёшли футболчи ижтимоий тармоқда.
Де Йонг "учар голландлар" сафида 39 та ўйинда майдонга тушди. Уларда ҳужумчи саккизта гол урди ва шерикларига битта самарали узатмани амалга оширди.
ЖЧ-2022да Люк Нидерландия терма жамоасининг Аргентинага қарши чорак финалда мағлуб бўлган ўйинда иштирок этди.
Comments